O alcalde, Xosé A. Sánchez Bugallo, e os co-directores executivos do proxecto, María Cadaval e Santiago Lago, presentaron hoxe a segunda fase do proceso de elaboración da Axenda Urbana 2030, coa que se inicia un período propositivo aberto á participación popular. A través de seis Grupos de Impulso e Seguimento (GIS) e unha plataforma en liña, os cidadáns e cidadás poderán facer as súas achegas e colaborar así na creación deste documento estratéxico para o futuro da cidade.

O certame estaba dirixido á rapazada, de entre 13 e 17 anos, que reside ou estuda no municipio compostelán.

Hoxe reuniuse a terceira comisión de seguimento e coordinación do convenio entre a Axencia Galega de Innovación (GAIN) e o Concello de Santiago de Compostela para o proxecto "Smartiago". Tanto o responsable do proxecto, Sindo Guinarte, como Patricia Argerey, directora de GAIN, coincidieron en sinalar os avances que se están dando nas tres liñas de actuación coas que conta o programa. Guinarte espera chegar a final de ano "co proxecto executado, máis alá de que despois algunhas das accións do programa teñan continuidade a través de living labs, e do despregue do propio Smartiago".

O alcalde de Santiago, Xosé Sánchez Bugallo, participou hoxe na inauguración de "BioGalicia Summit", o encontro internacional biotech que conta con firmas galegas de referencia da biotecnoloxía no ámbito da saúde e no sector agroalimentario. O rexedor destacou a aposta do Concello pola innovación, e amosou o desexo de que "esa capacidade de investigación se transforme en industria e emprego".

O alcalde de Santiago, Xosé Sánchez Bugallo; a directora xeral de Economía Social do Ministerio de Traballo, Maravillas Espín; a directora xeral de Emprego, Traballo Autónomo e Economía Social da Xunta de Galicia, Covadonga Toca; o presidente do Foro pola Economía Social Galega, Celso Gándara; a directora do CECOP (Centro de Estudos Cooperativos e de Economía Social da USC), María Teresa Cancelo; e a concelleira de Políticas Sociais, Mila Castro; participaron neste primeiro encontro no Pazo de Raxoi no que se perfilou o programa de actividades da capitalidade.

Todo apunta a que o 2022 será o ano dos reencontros, algo que teñen claro desde a organización da Maker Faire Galicia, que volve ao mundo físico cunha edición híbrida que promete ser espectacular. O Concello de Santiago colabora un ano máis co evento.

Un total de 14 traballadoras e traballadores municipais do Concello de Santiago remataron onte a actividade formativa sobre innovación avanzada que se desenvolveu no marco do proxecto Smartiago.

A web de Talentia Summit comezou a inscrición en ofertas de emprego, videochamadas con empresas, cursos de formación, certificacións oficiais e webinars entre moitas outras actividades e xa rexistrou máis de 2.000 inscricións e actividades e 10.000 usuarios nas primeiras 24 horas dende a súa apertura. A programación completa do evento, que se celebrará do 15 ao 26 de novembro no edificio Fontán da Cidade da Cultura, foi presentada en rolda de prensa polo alcalde de Santiago, Xosé Sánchez Bugallo, e o técnico de emprego, Xavier Ferreiro.

O concelleiro de Presidencia, Relacións Institucionais e Turismo e responsable do proxecto Smartiago, Sindo Guinarte; e Severino Castromán Souto, responsable de Administracións Públicas Galicia - Vodafone España; presentaron o proxecto para o desenvolvemento do primeiro vehículo eléctrico autónomo para mellorar o transporte de mercadorias e reducir o impacto ambiental na zona histórica de Santiago.

O Concello de Santiago e a Universidade de Santiago (USC) organizan de novo a Feira de Emprendedoras de Compostela, unha feira que quere visibilizar as mulleres emprendedoras que están creando tecido empresarial innovador, con valor engadido, na comarca de Compostela. Este ano estivo dirixida ás universitarias da USC aínda que a feira estaba aberta a toda a cidadanía. A feira foi inaugurada polo alcalde de Santiago, Xosé Sánchez Bugallo, e o reitor da USC, Antonio López e clausurada pola concelleira de igualdade, Mercedes Rosón e a viceirreitora de igualdade Mar Lorenzo.