A cidade de Santiago será o escenario de Creafogar, un evento innovador no que participan máis de 150 marcas galegas. A presentación oficial tivo lugar nunha rolda de prensa organizada polas interioristas Almudena Rodríguez, DenaDinteriores, e Beatriz Barril, Spacio-B.

Nesta nova convocatoria os concursantes deberán presentar o deseño dunha habitación de hotel equipada cun set de mobiliario consistente en cama dobre con cabeceiro, armario, portamaletas e espazo de traballo. Á marxe deses elementos básicos, os participantes teñen a liberdade de incorporar todos os extras que consideren oportunos así como redistribuír o espazo dispoñible na habitación. En total contan cunha superficie de 28 metros cadrados dos que 24 deberán destinarse ao dormitorio e os catro restantes ao baño, aínda que non será necesario deseñalo.