O I Concurso catálogo de promoción comercial de Compostela Regalar custa pouco 2008 tivo como obxectivo potenciar as compras nos establecementos comerciais da cidade durante o Nadal. As mellores propostas de agasallos presentadas polos/as comerciantes foron recollidas nun catálogo, xunto á identificación, enderezo, horario de apertura e localización do comercio.
O II Concurso catálogo de promoción comercial de Compostela Regalar custa pouco 2009 tivo como obxectivo potenciar as compras nos establecementos comerciais da cidade durante o Nadal. As mellores propostas de agasallos presentadas polos/as comerciantes foron recollidas nun catálogo, xunto a identificación, enderezo, horario de apertura e localización do comercio. Elaborado cun deseño atractivo, destinado ás compras de Nadal e con prezos asequibles e pechados, editouse en versión trilingüe: galego, castelán e inglés.
A Concellaría de Promoción Económica, Emprego, Comercio e Turismo promove desde o ano 2004 o Concurso Municipal de Escaparatismo SCQ Shopping. Dirixido a todos os comercios de Santiago de Compostela, ten como obxectivo contribuír á dinamización e mellora dos estabelecementos en activo, incentivando a súa capacidade creativa e a súa imaxe. Forma parte das accións de promoción e dinamización do sector recollidas no Plan Estratéxico do Comercio Compostelán, cofinanciado pola Deputación de A Coruña e o Concello de Santiago.
A través dos Programas de Cooperación, cofinanciados nun 80% polo Fondo Social Europeo e xestionados pola Concellaría de Promoción Económica, o Concello de Santiago contrata persoas desempregadas para que, a través do desenvolvemento de obras e servizos de interese para a comunidade, incrementen a súa formación e a súa práctica profesional, mellorando así as súas expectativas de reinserción.
O obxectivo dos Obradoiros de Emprego é mellorar as posibilidades de inserción e reinserción no mercado de traballo de persoas desempregadas de longa duración, a través da súa participación en accións mixtas de emprego-formación. Todos os obradoiros desenvolvidos pola Concellaría de Promoción Económica seguen a liña do resto de actividades realizadas: adecuación da formación á demanda laboral de Compostela, formación teórica e práctica laboral, e utilidade social dos traballos feitos.
Obradoiro Compostela Natural
No ano 2008, a Concellaría de Promoción Económica e Emprego organizou 35 accións formativas do Plan de Formación Continua e do Plan FIP destinadas a 525 persoas, que suman 4.228 horas lectivas. Sete cursos, con 3.490 horas lectivas, pertencen ao plan FIP. Os outros 28 son da Rede de Cooperación Local e de Compostela Activa, e suman 738 horas de formación.
No 2007 programáronse trece accións formativas do Plan de Formación Continua, do Plan FIP destinadas a 195 persoas, a través das que se impartiron 3.570 horas lectivas.
Especial interese ven cobrando nos dous últimos dos anos a promoción do turismo enogastronómico. Neste senso, Turismo de Santiago estreou en febreiro do 2008 o Fórum Gastronómico "As cociñas do Atlántico", unha cita bianual que converteu á cidade en capital da cociña atlántica e no mellor escaparate da despensa galega
Outra iniciativa de Turismo de Santiago é o transporte turístico, que percorre o contorno da cidade histórica e ofrece novas perspectivas aos turistas, tanto en bus como en tren. Para potenciar o carácter de capital e centro xeográfico da cidade, Turismo de Santiago creou e mantén operativo Compostela Visión, un servizo de excursións regulares por toda Galicia, que pon paisaxes naturais, bosques, praias, faros, rías, portos, lonxas, adegas, castelos, pazos, igrexas, mosteiros e magníficas urbes ao alcance da man.
Santiago de Compostela é unha cidade moderna e competitiva, con interesantes potencialidades en materia económica. A Concellaría de Promoción Económica e Emprego traballa para difundir eses atractivos e atraer así capital foráneo. Faino a través do programa Compostela para investir, que ten un dobre obxectivo: promocionar as empresas de Compostela no exterior e atraer a novos investidores ao noso Concello.
Desde que xurdiu, e partindo dun mesmo concepto e estrutura foise renovando cada ano para adaptalo as variables económicas e á realidade empresarial e social de cada momento.
A estructura de Compostela Activa, por etapas; as diferentes liñas de axudas coas que conta; e o distinto perfil das persoas usuarias, fan imposible cuantificar, de xeito global, as empresas que xurdiron a través deste programa.