Na primeira sesión ordinaria de agosto, a Xunta de Goberno deu luz verde ao inicio da contratación das obras de reforma da Praza de Abastos, que contan cun orzamento de licitación de 518.000 euros. Tamén aprobou a concesión das axudas para a promoción e dinamización comercial por un importe de 85.000 euros e o inicio do expediente para a redacción do proxecto da obra de rehabilitación integral do complexo deportivo de Santa Isabel. De todos os asuntos deu conta en rolda de prensa a alcaldesa de Santiago, Goretti Sanmartín.

O Código de Boas Prácticas ofrece unha serie de recomendacións para que as persoas que visiten Santiago respecten tanto o patrimonio como a veciñanza do concello.

Este servizo, que comezou a funcionar esta semana, pretende informar a habitantes, visitantes e hostalaría da necesidade de coidar a nosa cidade de xeito colectivo. Durante todo o verán, o persoal de Santiago Sostible informará a pé de rúa en horario de maña e tarde sobre a importancia de manter a cidade limpa e coidada, tanto por ser Patrimonio da Humanidade como para favorecer a convivencia entre a poboación local e todas as persoas que a visitan. Este novo servizo foi presentado esta mañá por Xesús Domínguez, concelleiro de Sustantibilidade Ambiental.

Goretti Sanmartín vén de participar na cidade de Tarragona na constitución da Asemblea do Grupo de Cidades Patrimonio da Humanidade de España, entidade na que participará ademais como membro da Comisión Executiva, como vicepresidenta primeira e como presidenta da Comisión de Patrimonio. Na sesión de constitución, a Asemblea acordou impulsar o programa de actos de celebración do 30 aniversario do Grupo e o calendario de promoción internacional

Trátase da primeira xuntanza do Grupo que se realiza tras a constitución das novas corporacións municipais, polo que ao comezo do acto o presidente do Grupo e alcalde de San Cristóbal de la Laguna, Luís Yeray Gutiérrez, entregará as súas respectivas insignias aos novos alcaldes e alcaldesas, entre eles, á rexedora de Santiago, Goretti Sanmartín. A  Asemblea impulsará os actos de celebración do 30 aniversario do Grupo.

O Concello de Santiago de Compostela e a Unión de Cooperativas EspazoCoop colaboran na posta en funcionamento de actividades de fomento do cooperativismo durante 2023.  Ambas entidades levan a cabo un Programa composto das seguintes liñas de acción: Formación, Tecendo redes, Roteiros Cooperativos, e Emprendemento Feminino.

Con estas liñas preténdese continuar creando un sistema favorecedor e facilitador do emprendemento cooperativo e de economía social entre persoas, profesionais e colectivos da área de Compostela.

O vindeiro martes, 18 de xullo, en horario de 15:30 a 18:30 horas, a Cámara de Comercio de Santiago organiza, nas súas instalación en formato online a xornada gratuíta:

“A Proposta de Valor no emprendemento tecnolóxico-dixital”

Esta xornada enfócase en aprender a crear unha proposta de valor tanto para un novo proxecto como para impulsar e mellorar un negocio xa existente. Ao través dunha proposta de valor preténdese que o que achega un produto ou servizo conecte directamente co que realmente necesita o usuario apoiándonos na tecnoloxía.

O ciclo de Encontros Emprendedores ten marcada a súa próxima cita o día 18 de xullo cunha sesión sobre "A gastronomía e a restauración como valedores dos produtos locais", que contará coa presenza do chef e copropietario do Abastos 2.0, Iago Pazos. Os Encontros Emprendedores presentan iniciativas empresariais desenvoltas en Santiago que dan resposta aos retos identificados pola cidadanía de cara aos vindeiros anos.

O vindeiro venres, 14 de xullo, en horario de 12:00 a 14:00 horas, a Cámara de Comercio de Santiago organiza, en formato online a xornada gratuíta:

“Deseña o teu MPV (produto mínimo viable) dixital con Agile”

Durante o seminario, destacaranse as vantaxes de adoptar un enfoque áxil para o deseño de MPVs dixitais, como o tempo reducido de desenvolvemento, a optimización de recursos e a posibilidade de obter retroalimentación anticipada dos usuarios.

O vindeiro martes, 11 de xullo, en horario de 15:30 a 17:30 horas, a Cámara de Comercio de Santiago organiza, en formato online a xornada gratuíta:

“O Roadmap da transformación dixital. Como podo levar a cabo a transformación da niña empresa”

Introduce e optimiza a innovación tecnolóxica no teu negocio para aumentar os teus clientes e as túas vendas.