Nunha Xunta de Goberno extraordinaria celebrada este venres, o Goberno local aprobou plans de desescalada en varios ámbitos de servizos municipais, tales como a rede sociocultural, as oficinas de información turística, as instalacións deportivas ou os mercados. Non obstante, o Concello queda pendente da publicación do decreto que regulará o novo estado de alarma e da previsible entrada de Galicia na fase 2 da desescalada.

A Xunta de Goberno celebrada este luns deu o visto bo a unha instrución da Alcaldía de aplicación da fase 2 ao sector de restauración e hostalería. A instrución, que pode consultarse no documento adxunto, refírese tanto ás condicións das terrazas como ás obrigas para a apertura interior dos establecementos.

Compílanse no seguinte artigo guías e artigos informativos de fontes oficiais que poden ser de utilidade para persoas traballadoras, empresariado e persoas autónomas. 

Actualizado a 29 de xuño de 2020:

• Real Decreto-lei 24/2020, de 26 de xuño, de medidas sociais de reactivación do emprego e protección do traballo autónomo e de competitividade do sector industrial publicado no BOE de 27 de xuño de 2020.
• ORDE do 12 de xuño de 2020, conxunta da Consellería de Educación, Universidade e Formación Profesional e da Consellería de Economía, Emprego e Industria, pola que se redistribúen as anualidades e se modifican os prazos de xustificación en diversas convocatorias de axudas para a consolidación e estruturación de unidades de investigación competitivas e outras accións de fomento nas universidades do Sistema universitario de Galicia (SUG), nos organismos públicos de investigación de Galicia e noutras entidades do Sistema galego de I+D+i, como consecuencia da situación creada pola evolución da pandemia COVID-19.
• RESOLUCIÓN do 19 de xuño de 2020 pola que se amplía o crédito dispoñible para o exercicio 2020 nas bases reguladoras dos préstamos previstos no Instrumento financeiro préstamos pemes Galicia-programa operativo Feder Galicia 2014-2020, préstamos IFI Innova.
• EXTRACTO da Resolución do 19 de xuño de 2020 pola que se amplía o crédito dispoñible para o exercicio 2020 nas bases reguladoras dos préstamos previstos no Instrumento financeiro préstamos pemes Galicia-programa operativo Feder Galicia 2014-2020, préstamos IFI Innova.

Recomendamos consultar tamén o espazo informativo habilitado polo Concello de Santiago sobre a situación xeral actual da COVID-19 e máis  apartado de CONVOCATORIAS desta web.

Publicadas as listaxes de beneficiarios/as das axudas a autónomos e micropemes e ao comercio do Plan de Reactivación Económica

O Consello de Ministros. na súa xuntanza de 09/06/2020, aprobou o Real-Decreto-ley 21/2020, o cal, entre outras disposicións, regula o mantemento, unha vez rematado o estado de alarma, de determinadas medidas de prevención e hixiene.

• O concelleiro de Turismo, Sindo Guinarte, presentou este martes as bases da Convocatoria de axudas para a mellora e innovación da restauración e hospedaxe compostelá, integradas no Plan de Reactivación do Sector Turístico, que conta con tres eixes estratéxicos: avaliación da actual situación, accións dirixidas a captación de turismo, e axudas ao sector como as desta convocatoria, á que o Concello de Santiago destina 100.000 euros, ampliables noutros 300.000 en función da demanda.
• Segundo explicou Sindo Guinarte, a principal finalidade destas subvencións é fomentar a innovación na restauración e hospedaxe de Santiago, como ferramenta fundamental para incrementar a súa competitividade empresarial e facilitar a adaptación ao novo contexto económico derivado da COVID-19.

A Xunta destina 16 millóns de euros á nova liña de axudas destinada aos sectores do comercio, o turismo, os servizos e o transporte para facilitar a súa volta á actividade achegando a máxima confianza aos consumidores no novo contexto económico.

A Xunta de Goberno Local, reunida de urxencia, aprobou un expediente de modificación de crédito, por un importe de 100.000 euros, co obxectivo de dar cobertura á convocatoria de axudas para a mellora e innovación da restauración e da hospedaxe de Santiago de Compostela.

O Concello e a Cámara de Comercio de Santiago facilitarán que 200 establecementos comerciais da cidade poidan acceder ao selo "Comercio de confianza", impulsado pola Cámara de Comercio de España e a Secretaría de Estado de Comercio. En virtude desta colaboración, o Concello sufragará á Cámara o custo dos selos (50 euros) para os 200 primeiros comercios que soliciten e obteñan este selo.

A Cámara de Comercio de Santiago de Compostela organiza un webminar informativo sobre o Plan Marco de Reactivación Económica do Concello de Santiago, no marco das actividades de colaboración conveniadas co Concello de Santiago e co obxectivo de mellorar o coñecemento das liñas municipais de axudas postas en marcha a raíz da crise do COVID-19. A cita é este xoves, ás 11:00 horas, e contará coa presenza do alcalde, Xosé Sánchez Bugallo