A Xunta de Goberno, en sesión extraordinaria, aprobou tres das convocatorias previstas para o apoio ao comercio previstas no Plan Marco de Reactivación Económica. Trátase de axudas para o pago de xuros en operacións de crédito, para a mellora e innovación do comercio local e para cheques de consultoría. En total, as tres liñas suman un crédito inicial de 410.000 euros, ampliable ata o millón de euros. As solicitudes deberán realizarse no prazo de 20 días hábiles, a contar dende o día seguinte á publicación das convocatorias no Boletín Oficial da Provincia (BOP).

O concelleiro de Educación, Rubén Prol, participou hoxe na mesa inaugural das xornadas de educación de Maker Faire. Destacou que esta feira é "un exemplo do afianzamento do papel das novas tecnoloxías como canle de transmisión de accións formativas", unha tendencia que engade, "se incrementou coas restriccións impostas a raíz do confinamento".

Este programa, que foi presentado polo alcalde da cidade, Xosé Sánchez Bugallo e a responsable de Relacións institucionais da Unión de Cooperativas EspazoCoop, forma parte do Plan de Reactivación Económica e Social PRESS do Concello de Santiago.

O alcalde de Santiago, Xosé Sánchez Bugallo, agarda que se poidan atender todas as solicitudes presentadas ao abeiro da convocatoria do PRESS, o Plan de Reactivación Económica e Social de Santiago, tanto as do sector comercial como as do hostaleiro e turístico.

O xoves 3, o venres 4 e sábado 5 de xuño de 2021 terá lugar en distintos barrios de Santiago a festa do comercio local Prima 21, dentro da campaña de promoción comercial Eu merco aquí, un evento que xorde con vocación de continuidade, co fin de consolidar unha festa do comercio en primavera. O alcalde, o concelleiro de Festas, Gonzalo Muíños; os voceiros do PP, Alejandro Sánchez-Brunete, e do BNG, Goretti Sanmartín, e a concelleira de Compostela Aberta Branca Novoneyra, visitaron as principais rúas comerciais do Ensanche e da Zona Vella.

O alcalde de Santiago, Xosé Sánchez Bugallo, participou hoxe na apertura das xornadas de Industria de Maker Faire, adicadas ás temáticas da dixitalización, a biotecnoloxía e os videoxogos. O rexedor destacou que as crises "supoñen un espazo de oportunidade que debemos aproveitar". Agradeceu o papel de "todas as persoas que fan posibles estas xornadas" a animou a todos os participantes sinalando que "o futuro está aquí, e é noso".

O Consello de Ministros, na súa reunión de hoxe, autorizou ao Ministerio de Transportes, Mobilidade e Axenda Urbana (Mitma) a licitar, a través de Adif Alta Velocidade, o contrato de obras de execución do proxecto construtivo do novo edificio de viaxeiros da estación de Santiago de Compostela, por un valor estimado de 27.758.103,41 euros (IVE non incluído). Una nova que o alcalde, Xosé Sánchez Bugallo, recibiu con satisfacción.

Despois do éxito da edición en liña celebrada o pasado novembro, a organización aposta por repetir formato, potenciando así o foco internacional. Ademais de contar con máis de 60 proxectos de 7 países diferentes, a poucas horas desta nova edición, os datos de inscricións multiplican por catro os da edición anterior, polo que se espera unha alta participación. O alcalde de Santiago, Xosé Sánchez Bugallo, participou na rolda de prensa, que se celebrou de forma telemática.

Na sesión ordinaria de maio, o Pleno do Concello aprobou por unanimidade a declaración de interese xeral municipal do proxecto do Centro de servizos innovadores para empresas biotecnolóxicas (CSIEB) promovido por Sionlla Biotech, sociedade limitada integrada por Uninova, a Cámara de Comercio e a Asociación de Empresarios do Tambre.

• Hoxe realizouse o seminario de presentación do programa do programa Olympe Emprende, programa de emprendemento feminino de proxectos con valores e principios da economía social.
• O prazo de inscrición remata o 4 de xuño de 2021.