Galicia conta con arredor de 210.000 hectáreas de monte ordenado, dotado de plans que organizan cuestións coma o uso do espazo, o calendario de traballos silvícolas ou os turnos de corta. Esa superficie representa un 10% de todo o monte galego, pero queda outro 90% sen planificación.
A Sala Númax acoller hoxe, de 9:00 a 11:00 horas, o último dos Almorzos do bo facer. Este último encontro, que leva por título "Almorzo proxecta", culmina o proceso de recollida de ideas nacidas da interacción entre cooperativas do mesmo ámbito ou con iniciativas semellantes, dando a coñecer os proxectos que serán presentados ao Concello para ser estudados e recibir apoio. Neste almorzo participarán Concha Fernández, concelleira de Políticas Sociais, e Carme Casado, técnica municipal de Promoción Económica.
Son catro iniciativas empresariais ( spin off) que emerxeron de grupos do Instituto de Investigación Sanitaria de Santiago e ao amparo da Fundación Ramón Domínguez, e que buscan nichos no mercado a partir de esforzos dedicados á I+D+i ademais de promover 18 empregos.
Logo de realizar en anos pasados varias edicións do seu evento Update en Santiago de Compostela, o afamado escritor e conferenciante Alfóns Cornellá, regresa o vindeiro 21 de decembro de 2017 para presentar o seu novo formato Radical es Normal.
Coa innovadora metodoloxía que caracteriza as presentacións de Alfons, este evento é unha oportunidade única para comprender os cambios económicos e sociais que as tecnoloxías poden provocar e detectar neles oportunidades de novos negocios. O evento é gratuito, pero o aforo é limitado. Date presa en reservar a túa praza.
O Concello de Santiago vai ser o primeiro do Estado en asinar un convenio co Ministerio de Economía para a captación de fondos europeos FEDER destinados ao fomento da compra pública innovadora, no período 2014-2020. A firma deste acordo, que foi aprobada por unanimidade polo Pleno da Corporación municipal, permitirá desenvolver o proxecto Smartiago, no que o Goberno local leva traballando dende comezos do mandato.
Converter a terra da agricultura convencional á produción orgánica podería reducir as emisións de gases de efecto invernadoiro, a escorrentía do exceso de nitróxeno dos fertilizantes e reducir o uso de pesticidas. De acordo cun novo informe, tamén sería factible converter grandes cantidades de terra actualmente cultivada convencionalmente sen un dano catastrófico aos rendementos dos cultivos e sen a necesidade de grandes cantidades de terra nova.
A economía cíclica, a democracia directa, a xestión colectiva dos bens comúns... moitas das ferramentas dos novos movementos sociais teñen a súa orixe no mundo rural. O que hoxe chamamos economía cíclica ou circular fai miles de anos que a inventaron as comunidades campesiñas. Vémolo claramente na xestión das unidades produtivas, que integraban agricultura e gandería e pechaban os ciclos enerxéticos.
A Cámara de Comercio e o Concello de Santiago asinaron un convenio de colaboración para organizar conxuntamente actividades formativas e de difusión sobre emprendemento e creación de empresas e internacionalización para o ano 2017. O acordo foi asinado polo vicepresidente da Cámara, Evaristo Rodríguez, e o alcalde de Santiago, Martiño Noriega.
A Confederación Empresarial Española da Economía Social (CEPES) e Laboral Kutxa, no marco do convenio que teñen subscrito, impulsarán a competitividade das empresas de Economía Social a través de dúas iniciativas.
A Xunta e Telefónica porán en marcha en 2018 “Galicia Open Future: edición retos Industria 4.0”, un programa de apoio ao emprendemento no que os participantes deberán propoñer solucións a seis retos no ámbito da Industria 4.0, formulados por empresas tractoras.